Меркел: Предолго ги затворавме очите пред бегалската криза
Германија и другите членки на Европската Унија предолго ги затвораа очите пред бегалската криза на своите надворешни граници, изјави синоќа германската канцеларка Ангела Меркел.
Една година по славната реченица „Ние тоа го можеме“, која го одбележа нејзиниот пристап кон мигрантската криза, канцеларката признава дека во решавањето на тоа прашање имало пропусти и во самата Германија.
- И ние Германците проблемот предолго го игнориравме, рече таа во интервјуто за денешното издание на весникот „Зидојче цајтунг“.
„Уште во 2004 и 2005 година доаѓаа многу бегалци и ние им препуштивме на Шпанија и на другите земји на надворешните граници да се занимаваат со тој проблем“, наведе таа.
Меркел, исто така, призна дека и Берлин долго бил против денеска веќе неопходните реформи во ЕУ, како и дека ја одбивал пропорционалната расподелба на бегалците, како и заштитата на надворешните граници.
- Германија после многуте бегалци кои ги прими по војните во Југославија, се радуваше што сега првенствено други се занимаваа со оваа тема. Но, тоа не може така, нагласи таа.
Канцеларката ја уверува јавноста дека Германија нема многу да се промени по интеграцијата на стотиците илјади бегалци.
- Германија ќе остане Германија, со сето она што го сакаме и цениме, заклучи таа.
Ново на Сител
-
Столтенберг во дводневна посета на Германија
-
Сообраќајот тековно, по наместа влажни коловози
-
Променливо облачно со повремен дожд
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика