Свет
11. August 2017 - 20:16

Меркел го посети поранешниот затвор на Штази во Берлин

Германската канцеларка Ангела Меркел го посети поранешниот затвор на политичката полиција на Германската Демократска Република (ДДР) Штази. 

Таа наведе дека германските власти се ангажирани за чувањето на зградата како споменик. 

Меркел го оквалификува објектот како „автентичен, а со тоа и болен“ спомен. 

Таа ја икористи приликата за претстојната 56-годишнина од изградбата на Берлинскиот ѕид, за да упати критики кон левичарскиот екстремизам.

Пред зградата на затворот „Хоеншонхаузен“, што некогаш беше користена од страна на поранешната тајна полиција на ДДР Штази, Меркел изјави дека „изгледа како оттогаш да е поминато многу време, но не потсетува силно за потребата да работиме за слободата и демократијата“. 

Зградата на затворот во моментов се реставрира.