Меркел го поддржува засилувањето на НАТО на руските граници
Германската канцеларка Ангела Меркел во својот говор пред Бундестагот за обвини Русија за вознемирување на НАТО сојузниците со своите акции во Украина. Пред германските пратеници во федералниот парламент Меркел во односите со Русија предлага два принципи, на одвраќање и на дијалог, јавува дописникот на МИА од Берлин.
Според неа, НАТО треба да покаже силно воено присуство на своето источно крило затоа што Москва ја загубила довербата од западот и предизвикала вознемирување во НАТО со кршењето на законите и менување на меѓународнто признатите граници. Во исто време Меркел потенцира дека „безбедноста во Европа може да биде постигната заедно со Русија а не преку конфликт со Москва“.
Во говорот што се случува пред самитот на НАТО во Варшава каде ќе се разговара за засилување на капацитетите во Источна Европа на границата со Русија, Меркел бара поголема солидарност меѓу членките на алијансата.
Во своето обраќање Меркел им се заблагодари на САД за преземањето на товарот на мисиите на НАТО низ светот и го поздрави проширувањето на алијансата без притоа да спомене конкретна земја кандидат.
Меѓу другите предизвици за НАТО за кои говореше германската канцеларка беа споменати и „Исламската држава“, иранските балистички капацитети, бегалската криза и проблемите во Ирак.
Пред десетина дена шефот на германската дипломатија Франк Валтер Штајнмаер, кој е член на Социјал Демократската партија, сосема спротивно на денешните пораки на својата шефица која ја предводи ЦДУ го обвини НАТО за провоцирање на конфликт со испраќање на војници и воена техника на границата со Русија.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца