-->
-->
Меркел: ЕУ ќе преживее и без Велика Британија
-->
Германската канцеларка Меркел денеска и порача на Велика Британија дека во текот на преговорите за напуштање на ЕУ нема да биде во можност да избира кои европски привилегии може да ги користи а кои да го отфрли.
Пред заминувањето во Берлин каде што со нејзините европски колеги ќе договара идни чекори по референдмот со кои Велкика Британија реши да ја напушти ЕУ, канцеларката пред германскиот парламент испрати остри пораки до Лондон во врска со идните преговори за напуштање на унијата.
„Кој сака да ја напушти неговата фамилија не може да очекува дека ќе ги задржи привилегиите а ќе нема обврски. Ние ќе обезбедиме да нема преговори на принципот на бирање на обврски и привилегии“, изјави Меркел во Бундестагот, јавува дописникот на МИА од Берлин.
Германската канцеларка пред германските пратеници изјави дека таа ќе ја искористи сета нејзина моќ за да ја запре поделбата во ЕУ по британскиот референдум.
Според Меркел Европската Унија може да го преживее напуштањето на Велика Британија и ќе продолжи да го гарантира мирот, просперитетот и стабилноста а преговорите со владата во Лондон нема да започнат се додека не започне формалната процедура за заминување. Следниот чекор кој што треба да се направи треба да дојде од Велика Британија смета шефот на германската влада.
Меркел очекува Велика Британија да сака да одржува блиски релации со Европа кога ќе земине но дека не смее да очекува односи какви што имала кога била членка на ЕУ. Според неа сега е важно ЕУ да се консолидира но да не презема чекори кои што можат да охрабрат и други членки да го следат Лондон.
-->
-->
-->
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање