Меморандум за разбирање во одбранбената соработка со САД
Владата ќе потпише меморандум за разбирање во одбранбената соработка со САД.
На денешната владина седница е разгледана и усвоена Информација за потребата од потпишување на меморандум за разбирање во областа на одбранбената соработка помеѓу Министерството за одбрана на Република Северна Македонија и Соединетите Американски Држави’’. Во име на Владата меморандумот ќе го потпише вицепремиерката и министерка за одбрана Радмила Шекеринска Јанковска, соопшти владината прес-служба.
На седницата е усвоена и Информација за плановите за учество на држвава во силите на НАТО за обезбедување на источните и југоисточните граници на Алијансата – Зајакнато истурено присуство. Министерството за одбрана и Генералштабот на Армијата добиле задолжение да спроведат консултации и да почнат планирачки процес со Обединетото Кралство, за учество со две лица – штабен персонал во борбената група распоредена во Естонија, а со придонесот да се почне до крајот на годинава, се вели во соопштението.
Ново на Сител
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори