Меј: Да ги оставиме личните интереси и да најдеме излез од ќорсокакот
Британската премиерка Тереза Меј синоќа ги повика политичарите во земјата да ги остават на страна своите лични интереси, со цел да биде најден излез од ќорсокакот во врска со истапувањето на Велика Британија од ЕУ.
Таа нагласи дека е разочарана од тоа што лидерот на опозициската Лабуристичка партија, Џереми Корбин досега не разговарал со неа околу Брегзитот, додавајќи дека „нејзината врата останува отворена за разговори“.
Меј соопшти дека за излез од ќорсокакот во кој западна Велика Британија откако британскиот Парламент во вторникот го отфрли Договорот за Брегзит, веќе разговарала со претставници на Шкотската национална партија (СНП), на партијата Либерални демократи и на Партијата на Велс (ПЦ), нагласувајќи дека „сега е време личните интереси да се остават на страна“.
Изјавата на Меј уследи откако Долниот дом на британскиот Парламент синоќа и изгласа доверба на нејзината Влада со 325 гласа „за“ и 306 „против“.
– Имаме одговорност да пронајдеме начин да обезбедиме поддршка во Долниот дом, нагласи Меј, најавувајќи разговори со претставници на парламентарните партии во текот на следните денови посветени на обезбедување мнозинство во Парламентот за усвојување на Договорот за Брегзит.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО