Балкан
8. October 2015 - 14:40

Меимаракис: Ципрас има тајна агенда

Лидерот на најголемата грчка опозициска партија Нова демократија Евангелос Меимаракис денеска ја обвини Владата дека треба да спроведе нови мерки, во рамките на договорот за кредит, кои се уште не им се откриени на луѓето.

Како што јави дописникот на МИА од Атина, Меимаракис се осврна на дополнителните мерки кои ги бара ММФ и го предупреди премиерот Алексис Ципрас дека „не треба да му паѓа на памет“ опцијата за поднесување нови мерки за одобрување во Парламентот.

- Пред неколку дена Ципрас изрази задоволство за време на неговата посета на САД. Денес ММФ бара нови мерки од 1,5 милијарди евра. Со ова се потврдува дека тој има тајна агенда, изјави Меимаракис.