Мегваер, Рашфорд и Медисон аут од репрезентацијата на Англија

Привремениот селектор на Англија, Ли Карсли, го објави составот за натпреварите во октомври во Лигата на нации против Грција и Финска. 

Меѓу 25-те играчи повикани од Карсли се напаѓачот на Тотенхем, Доминик Соланке, играчот од средниот ред на Челси, Нони Мадуеке, играчот од средниот ред на Лил, Анхел Гомес, голманот на Кристал Палас, Дин Хендерсон, како и дефанзивецот на Манчестер Сити - Рико Луис.

Карсли, сепак, ги изостави искусните Хари Мегваер и Маркус Рашфорд од Манчестер Јунајтед, Џејмс  од Тотенхем како и Џејден Санчо од Челси. 
Напаѓачот на Вест Хем, Џеред Бовен, исто така не е повикан од Карсли.

Останатите главни играчи - Хари Кејн, Кајл Вокер, Џон Стоунс, Џордан Пикфорд, Фил Фоуден, Џуд Белингем и Деклан Рајс - се во тимот за двата меча.

Англија, која со по 6 бода го дели првото место со Грција во групата 2 од Лигата Б од Лигата на нации, на 10 октомври им гостува на Грците. 

Три дена подоцна е посетата на Финска.