Меѓународна поддршка за приоритетните реформи на разузнавачките и безбедносните служби предвидени во Планот 3-6-9
Делегација на Владата на Република Македонија предводена од премиерот Зоран Заев, министерот за внатрешни работи Оливер Спасовски и заменик претседателот на Владата задолжен за европски прашања Бујар Османи, одржаа средба со амбасадорот на ЕУ Семуел Жбогар, амбасадорот на САД Џес Бејли, на Велика Британија Чарлс Гарет, на Холандија Воутер Пломп, на Шведска Матс Стафансон, како и амбасадорката на Швајцарија Сибил Сутер Тејада.
На средбата, како што соопшти владината прес-служба, се разговарало за заложбите на Владата за исполнување на предвидените активности во рамките на Планот 3-6-9 во насока на „Извештајот на Прибе“, а кои се поврзани со реформите на разузнавачките и безбедносните служби.
На состанокот, групата амбасадори од земјите членки на Европската унија, како и САД, ја презентираа можноста во рамките на идните реформски активности во оваа насока да се вклучи „DCAF“ - (Демократска контрола на вооружените сили) од Женева, посебно во поддршка на процесот на зајакнување на собраниската и судската контрола врз службите.
Амбасадорите на средбата во Владата на Република Македонија искажале подготвеност на нивните влади да ги подржат овие суштински реформи во Македонија од технички и од финансиски аспект.
Премиерот Заев на состанокот потенцирал дека Владата се раководи од идејата реформата во оваа област да биде транспарентна, темелна и сеопфатна и да биде под целосна контрола на институциите.
Претседателот на македонската Влада, на состанокот се заблагодарил за можноста да се подржат реформите за зајакнување на собраниската и судската котрола на службите преку „DCAF”, истовремено укажувајќи дека и државата е подготвена да ги подржи финансиски овие реформи со сопствени средства, имајќи го предвид значењето во насока на владеење на право, почитување на основните човекови права, како и нивната улога во забрзување на евроинтегративните процеси.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри