Меѓународна научна конференција на Европскиот универзитет
Практичните искуства и развивање на идеи за улогата на маркетингот во бизнисот беа во фокусот на третата меѓународна научна конференција, што се одржа во Европскиот универзитет во Скопје. Маркетингот е една од клучните функции во секое претпријатие и нема бизнис кој што би можел да се развива ако во своето работење не го практикува претставувањето на своите производи и услуги, посочи професорот Алекса Стаменковски.
Новите навики на потрошувачите говорат дека иднината на маркетингот е во он-лајн промовирањето на производите, смета д-р Динка Златева професорката на Југозападниот универзитет “Неофит Рилски” од Бугарија.
- Доколку се следат навиките и однесувањето на потрошувачите, ќе видиме дека тие се повеќе време поминуваат на интернет. Според тоа, од витално значење за секоја фирма е во својата корпоративна стратегија да насочи што е можно повеќе средства во своето интернет рекламирање.
Третата меѓународна научна конференција беше со меѓународен Организациски и Уредувачки Одбор, каде што учествуваа дел од најголемите научни имиња од регионот.
-
Бранислав Јаневски
Сите содржини од овој новинар