Македонија
14. September 2017 - 8:26

Меѓународна конференција „Владеење на правото - Каде се движиме?”

Центарот за економски анализи (ЦЕА) од Скопје во соработка со Центарот за европски студии за политики (Center for European Policy Studies - CEPS) од Брисел денеска и утре организира меѓународна конференција на тема „Владеење на правото - Каде се движиме?” 

Организаторите најавуваат дека настанот ќе ги собере претставниците на релевантните интернационални институции, амбасади, научната заедница, тинк-тенк организациите, граѓанскиот сектор, како и оние кои ги креираат политиките, со цел утврдување на состојбата за тоа до каде сме денес со владеењето на правото во Европа и во која насока се движиме.

- Овие прашања ќе бидат дискутирани во областа на правото, безбедноста и економијата во неколку експертски панели, пленарни сесии и воведни предавања. Особено внимание ќе се посвети на ситуацијата во Централна и Источна Европа и на ситуацијата во Западниот Балкан., соопшти ЦЕА