Меѓународен поетски фестивал „Литературни искри“ во Гостивар
Третото издание на Меѓународниот поетски фестивал „Литературни искри“ ќе се одржи денеска и утре во Гостивар.
На фестивалот, кој свечено ќе биде отворен вечер во 19 часот, ќе се претстават поетите финалисти избрани во конкуренција на 125 поети од земјава и од повеќе балкански земји. Изборот го направи жири комисијата чиј претседател е истакнатиот македонски поет, есеист и критичар Бранко Цветкоски.
Тоа се поетите: Исток Улчар, Наташа Василевска Трајчевска, Митре Мангоски Радождански, Невриј Адеми, Надица Тренчева, Слаѓана Ставрева, Константин Карев, Ивана Китаноска, Валентина Трајкоска, Маријана Давиткова, Митко Гогов сите од Македонија како и Вања Савова, Катја Вангелова и Пламен Димитров Парнарев од Бугарија.
- Годинашната поетска жетва, најригорозниот, би рекол златниот одбир на гостиварскиот и меѓународен фестивал „Литературни искри“ се одликува со суптилна тематска архитектоника, со разнородна, но високо мотивирана стилска изведба, со бројни микропоетички градации на темите на современата личност загледана и упатена кон големите очекувања, пресвртите и жестокостите на животот, со уверлива експонажа на внатрешната устројба на песните, пишува во својот осврт претседалот на жири комисијата, Цветкоски.
Дел од поетите кои учествуваа на конкурсот по избор на жирито ќе бидат застапени во заеднички алманах, кој ќе се промовира на манифестацијата.
Наградите на фестивалот - Гран при, прва, втора и трета награда, како и награда за најдобар странски автор и најуспешна млада искра ќе бидат доделени утре напладне на свечена манифестација.
Поетскиот фестивал „Литературни искри“ го организира Центарот за култура АСНОМ од Гостивар во чест на 24 Мај, Денот на сесловенските просветители. Настанот е поддржан од Министерството за култура.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање