Џет-Сет
26. May 2018 - 14:46

Меган мора да се поклонува пред Кејт, а ова е причината

И Кејт Мидлтон и Меган Маркл добија титула војводки кога се омажија за своите принцови. Иако двете имаат 36 години и се еднакви по титулата, од Меган се уште се очекува да се поклони пред Кејт.

На поклонувањето со спуштање на главата и свиткување на колениците Меган веќе се навикна, зашто протоколот наложува тоа да мора да го направи во присуство на членови на кралското семејство, особено оние кои се од повисок ранг од неа.

Со оглед на тоа дека Кејт е омажена со идниот крал на Англија, Вилијам, нејзиниот ранг е повисок од тој на Меган.

Принцот Хари, пак, е шест престолонаследник во редот, додека неговиот брат Вилијам е втор, и се наоѓа веднаш зад принцот Чарлс кој би требало да наследи.

Највисокиот женски чин во кралското семејство, консорт – кралицата го доделува на жената на владеечкиот крал. Таа нема да има политичка моќ, но ќе делува нејзиниот социјален ранг и статус.

Иако Меган го доби еден од највиските рангови во кралското семејство, таа ќе мора да се поклони пред сите членови на семејството кога не е во присуство на Хари, зашто не е од кралска крв.

Освен поклонувањето, од Меган се очекува постојано да носи провидни најлонски чорапи. Тоа се очекува од сите дами во кралското семејство.