Матвиенко: Турција мора да се извини за соборувањето на рускиот авион
Турција мора да и се извини на Русија за соборувањето на рускиот авион СУ-24 за да може да се поврати довербата меѓу државите, изјави претседателката на Горниот дом на рускиот Парламент, Советот на федерацијата, Валентина Матвиенко, јави Танјуг.
Според неа, Русија од Анкара очекувала соодветен одговор, но тоа не се случило, пренесоа руските медиуми.
-Ние не сме виновни за тензиите кои се појавија во односите меѓу Турција и Русија. Турција изврши агресивен акт кон Русија. Рускиот претседател за ова прашање даде многу јасно мислење, рече таа.
„Оној што нападна мора и да ја понесе одговорноста. Верувам дека ќе дојде време кога турските власти ќе се вразумат и адекватно ќе го оценат инцидентот со рускиот авион и достојно ќе и се извинат на Русија“ , рече Матвиенко.
Таа додаде дека контактите меѓу Русија и Турција и натаму постојат на ниво на Министерства за надворешни работи и дека ниту една страна не е заинтересирана за нарушување на меѓудржавните односи.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација