Матис: Пјонгјанг ќе добие воен одговор доколку употреби нуклеарно оружје
Американскиот министер за одбрана Џејмс Матис ја предупреди денеска Северна Кореја дека ќе добие „воен одговор“ доколку употреби нуклеарно оружје.
Матис, кој се наоѓа во посета на Јужна Кореја, тврди дека дипломатијата и понатаму е „приоритетен курс“, додавајќи дека американските дипломати се „најефикасни кога ги поддржуваат кредибилни воени сили“.
- Не смеете да погрешите - секој напад на САД или американските сојузници ќе биде одбранет. Секоја употреба на нуклеарното оружје од страна на Северна Кореја ќе наиде на голем воен одговор, ефикасен и обемен, нагласи Матис на заедничката прес-конференција со јужнокорејскиот државен секретар Сонг Јанг мо.
Тој не прецизираше на кој тип на нуклеарно оружје мисли кога го спомена воениот одговор, но го повика Пјонгјанг да „нема илузии“, истакнувајќи дека Северна Кореја е „воено надмината“ од страна на САД и Јужна Кореја.
Матис е во посета на Јужна Кореја пред таму да отпатува американскиот претседател Доналд Трамп, во рамки на неговата азиска турнеја која ги вклучува и Јапонија, Кина, Виетнам и Филипини.
Ново на Сител
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите