Матис и Мин Ку се согласија за поставување на противракетен систем
Американскиот министер за одбрана Џејмс Матис и неговиот јужнокорејски колега Хан Мин Ку се согласија за време на вчерашниот телефонски разговор дека ќе ја зајакнат нивната одбрана против „растечката закана од Северна Кореја“, соопшти Пентагон.
Матис, кој ќе ја посети Јужна Кореја в четврток, и Мин Ку се согласија да продолжат со планот за распоредување на американски противракетен систем, соопшти јужнокорејската војска.
Во соопштението на јужнокорејското Министерство за одбрана се наведува дека двете страни се согласиле да го распоредат противракетниот систем „ТХААД“ во Јужна Кореја во рамите на планот за одбрана од нуклеарните и балистичките капацитети на Северна Кореја.
САД и Јужна Кореја минатата година објавија план за распоредување на системот „ТХААД“, по неколкуте атомски и ракетни проби што ги изврши Северна Кореја.
Кина се спротивстави на системот „ТХААД“ наведувајќи дека тоа ќе ја дестабилизира рамнотежата во регионалната безбедност, што доведе до повик на неколкумина опозициски лидери во Јужна Кореја да се одложи или откаже распоредувањето на тој систем.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок