Матичните лекари се вклучуваат во дежурства во службата на Итна медицинска помош во Неготино
Со цел да се подобри достапноста на здравствените услуги за граѓаните во општина Неготино, матичните лекари ќе бидат вклучени во дежурствата во службата на Итната медицинска помош при Здравствениот дом, соопшти Министерството за здравство.
Одлуката да се обезбеди 24-часовна здравствена заштита на граѓаните во општината, како што се посочува, била донесена на вчерашната средба на претставници на Министерството за здравство, Фондот за здравствено осигугрување, Здравствениот дом Неготино и матичните лекари.
Поради недостиг на лекари во Итната медицинска помош, а во согласност со договорените обврски меѓу Здравствен дом Неготино и матичните лекари, тие се обврзани да обезбедат 24-часовна здравствена заштита на населението.
Обезбедување здравствена заштита на населението е врвен приоритет на Министерство за здравство. Договорна обврска на матичните лекари кои имаат склучено договор со ФЗОМ е да учествуваат во системот на дежурства. Токму затоа, за првпат се воведува вклучување на приватните лекари во дежурства во службата на ИМП во Здравствен дом Неготино, а по потреба ќе се шири и во останатите општини каде има недостаток на лекари во ИМП, информираат од Министерството за здравство.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка