Масовно се краде риба од Дојранското Езеро
Во последната контрола на Дојранското Eзеро, што деновиве ја извршиле 13 инспектори од Државниот инспекторат за земјоделство, биле пронајдени и одземени 123 мрежи со вкупна должина од околу 9.000 метри и рибарски конец во должина од 200 метри на кој на секои два метрa имало поставено јадици.
Од Инспекторатот информираа дека од мрежите биле извадени пет килограми црвеноперка и три килограми караш со забелешка дека поголемиот дел од мрежите биле наменети за ловење крап од кој во моментот на акциската контрола не бил пронајден ниту еден примерок во мрежите.
Во Езерото биле затекнати всидрени чамци со спортски риболовци против кои ќе бидат преземени соодветни мерки, затоа што согласно Законот за рибарство забранет е ловот поради немање концесионер на Дојранското Езеро.
Инспекциски надзор бил направен и во осум угостителски објекти на крајбрежјето од кои од еден биле одземени 29 килограми крап поради непоседување документ за потеклото на рибата, а три угостителски објекти, со решение се задолжени до инспекторатот да достават документи за потеклото на пронајдената риба.
Ново на Сител
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила