Мас: ЕУ мора да го исполни ветувањето за старт на преговорите со Скопје и Тирана
ЕУ мора да го исполни даденото ветување за старт на пристапните преговори со Македонија и Албанија, порача денеска германскиот министер за надворешни Хајко Мас, нагласувајќи дека го разбира разочарувањето во регионот поради малиот напредок на процесот на проширување во текот на минатата година и се заложи за негово повторно придвижување.
– Иднината на сите шест држави од Западниот Балкан е во ЕУ. Германија е целосно посветена на оваа цел. Ако испорачате вие, ние исто така испорачуваме. Тоа мора и во иднина да биде нашиот пристап кон проширувањето на Европската унија, рече Мас на онлајн средба со неговите колеги од земјите од Западниот Балкан.
Мас притоа, како што јави Дојче Веле, побара од земјите во регионот да го зајакнат владеењето на правото, да ја засилат борбата против корупцијата и организираниот криминал, да ја заштитат слободата на медиумите и да создадат простор во кој ќе може да се развива демократијата, со што ќе се привлечат повеќе странски инвестиции, ќе создадат услови за перспектива за младите луѓе и ќе запре иселувањето на квалификувани кадри од регионот.
– Но, од друга страна, и ЕУ мора да си ги исполни ветувањата, рече Мас наведувајќи ги Македонија и Албанија како примери за тие неисполнети ветувања.
Тој потенцира дека Македонија и Албанија остварија постојан напредок во судските реформи и во борбата против организираниот криминал и корупција, а со Договорот од Преспа, Скопје и Атина „демонстрираа историско политичко лидерство“.
Шефот на германската дипломатија побара веднаш да започнат преговорите за членство со Македонија и Албанија и притоа изрази благодарност до португалското претседателство со ЕУ, кое, како што нагласи, ја држи оваа тема високо на агендата на Унијата.
Мас порача и дека за билатералните спорови не треба да има место на агендата на ЕУ.
– Сите знаеме дека внатрешната политика може да го ограничи опсегот на надворешната политика. И разбираме дека прашањата од историјата и идентитетот се деликатни. Но, ваквите билатерални прашања не треба да го попречуваат целиот процес на пристапување, рече Мас.
На онлајн состанок со своите западнобалкански колеги, кој е дел од подготовките за Самитот ЕУ-Западен Балкан во рамки на Берлинскиот процес, Мас најави и дека по вакцините, Унијата на регионот ќе му достави и дополнителна медицинска и економска помош.
Ново на Сител
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите