Марибор избран за европски суперкомпјутерски центар
Марибор во Словенија е еден од осумте градови во кои ќе биде сместен првиот европски суперкомпјутерски центар во рамки на заедничката иницијатива на Европската унија и група европски земји, соопшти Европската комисија.
Овие компјутери треба да им помогнат на истражувачите, индустријата и бизнисот во различни области, од проектирање лекови и нови материјали до справување со климатските промени, а се поставени во рамките на Заедничкото европско претпријатие за компјутери со високи перформанси – Еуро ХПЦ.
Освен Марибор, избрани градови се и Софија во Бугарија, Острава во Чешка, Кајани во Финска, Болоња во Италија, Бисен во Луксембург, Мињо во Португалија и Барселона во Шпанија.
Еуро ХПЦ е проект на Европската унија и 28 поединечни европски земји. Во управувањето со суперкомпјутерските центри ќе учествуваат 19 од 28 земји, а вкупниот буџет за тој проект изнесува 840 милиони евра.
Целта на заедничкото вложување е да се опреми ЕУ со суперкомпјутерска инфраструктура од светска класа до крајот на 2020 година.
Ново на Сител
-
Таткото на Вања повторно бара слобода од Врховниот суд
-
Тошковски: Мирен изборен ден
-
Преглед на вести од светот
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето