Манифестација „Охридска софра“ во Скребатно
Во организација на Секторот за туризам и локален економски развој при Општина Охрид денеска во излетничкото место Скребатно ќе се одржи годинешното издание на традиционалната манифестација „Охридска софра“.
Голем број учесници, мајстори - готвачи ќе учествуваат на манифестацијата со свои производи, препознатливи за охридскиот крај, а во рамки на настанот и оваа година ќе се одржи и натпревар во приготвување на специјалитетот ѓомлезе.
Манифестацијата ќе започне во 9 часот, а во 11:30 часот предвидена е дегустација, оценување и прогласување на победниците на натпреварот, за кои се обезбедени парични награди. За добрата забава ќе се погрижи ансамблот „Билјана Јуниор“.
За граѓаните кои сакаат да ја проследат манифестацијата локалната самоуправа организира бесплатен превоз до селото Скребатно. Тргнувањето е во 9:45 часот од пред „Охридска Банка“ и во 10 часот од пред Домот на културато во село Лескоец.
Манифестацијата „Охридска софра“ се организира во насока на промовирање на традиционалните вредности на охридскиот регион и развој на алтернативните форми на туризам што може да ги понуди овој крај.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка