Манчевски промовираше два нови проекта во Радовиш
Министерот за информатичко општество и администрација, Дамјан Манчевски денеска пред стопанствениците и граѓаните на Радовиш промовираше два нови проекта кои ги воведува Министерството.
Едниот е портал за отворени податоци, со кој на граѓаните и стопанствениците ќе им биде многу полесно да доаѓаат до сите податоци кои им се потребни во нивното секојдевно работење.
Вториот е национален портал за електронски услуги од каде и граѓаните и стопанствениците ќе можат да добиваат голем број услуги и да обезбедуваат документи по електронски пат.
- На овие средби разговараме со стопанствениците и сакаме да го слушнеме нивното мислење пред да го пуштиме во употреба новиот национален портал за електронски услуги. Техничкото решение е веќе готово и ќе го имаме до крајот на септември, но ние преку серија разговори сакаме да го слушнеме мислењето на стопанствениците што е најмногу потребно за да може евентуално да го корегираме пред да го пуштиме во употреба некаде до крајот на годината, изјави министерот за информатичко општество и администрација, Дамјан Манчевски по денешните средби со граѓаните и стопанствениците.
Ги повика жителите на Радовиш и околните места вечер да присуствуваат на граѓанската средба во селото Подареш за претстојниот референдум.
Манчевски најави дека ќе разговара со граѓаните за што значи овој референдум за Македонија, решавање голем број проблеми, особено во делот на младите, кои во голем број го напуштија овој регион.
- Сметаме дека со успешен референдум, со влез во ЕУ и НАТО ќе се отворат многу можности за младите луѓе по примерот на другите земји од Балканот каде значително се зголеми процентот на вработеноста на младите луѓе, додаде министерот за информатичко општество и администрација, Дамјан Манчевски денеска во Радовиш.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца