Свет
16. February 2019 - 9:53

Малер побара најмалку 19,5 години затвор за Пол Манафорт, екс шеф на изборниот штаб на Трамп

Американскиот специјален обвинител Роберт Малер кој раководи со истрагата за наводна руска вмешаност во претседателските избори во 2016 година, побара најмалку 19,5 години затвор за Пол Манафорт,  поранешен шеф на изборниот штаб на Доналд Трамп.

Во допис до Окружен суд во Вирџинија обвинителите бараат затворска казна за Манафорт меѓу 19,5 и 24,4 години и парична казна од 50.000 до 24 милиоини долари.

Дописот следува неколку денови откако сојузен судија во Вашингтон пресуди дека Манафорт прекршил договор за признавање вина во паралелен предмет односно дека кажувал невистини и покрај ветување за соработка.

Манафорт е еден од првите  луѓе на Трамп кои се соочија со казнени пријави во рамки на истрага за тоа дали со Русија е склучен таен договор за да победи Трамп на изборите за претсеател. Трамп отфрла каков било договор и ја нарече истрагата лов на вештерки.