Макрон: Со Бајден САД се вратија како кооперативен лидер на слободниот свет
Францускиот претседател Еманеул Макрон денеска на маргините од самиот Г7 во Корнвол, во Англија, изјави дека САД се вратија како кооперативен лидер на слободниот свет, илустрирајќи го олеснувањето што многу американски сојузници го почувствуваа по периодот на владеење на поранешниот претседател Доналд Трамп.
Американскиот претседател Џо Бајден на средбата со Макрон, запрашан од соговорникот дали САД се вратија, се свртел кон францускиот претседател и кажал дека тој самиот треба да одговори на тоа прашање.
-Да, дефинитивно, рече Макрон. „Одлично е да се има американски претседател кој е дел од клубот и е многу подготвен да соработува“, додаде францускиот претседател. „Тоа што вие го покажувате е лидерството во партнерството“.
Зборовите на Макрон се слични на оние што вчера ги изговори британскиот премиер Борис Џонсон, кој потенцира дека „Бајден е голем здив на свеж воздух“.
Ниту Макрон, ниту Џонсон не подвлекоа директна паралела меѓу Бајден и Трамп, но и двајцата го пофалија соработничкиот тон на Бајден, а официјалните лица рекоа дека има олеснување откако Трамп знаеше да шокира многу европски сојузници.
Бајден се согласи и рече дека „САД, како што веќе кажав, се вратија, ние се вративме“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка