Свет
27. May 2019 - 12:16

Макрон нема да го распушти Долниот дом од француското Собрание

Францускиот претседател Емануел Макрон нема да го распушти Долниот дом на француското Собрание по победата на десничарската партија Национален фронт на изборите за Европскиот парламент во таа земја, објави портпаролката на француската влада, Сибе Ндијај.

Според француското Министерство за внатрешни работи, за Националниот фронт на Марин Ле Пен гласале 5,3 милиони Французи, а 5,1 милиони за Макрон.

Ндија изјави за телевизијата БФМ дека резултатите од изборите нема да предизвикаат „политичка криза” и објасни дека францускиот премиер Едуард Филип „ја има целосната доверба во претседателот”.

Ле Пен верува дека резултатите „ја потврдуваат новата националистичко-глобалистичка поделба” во Франција, и дека најмалку што може Макрон да направи е да го распушти националното собрание.