Макрон испрати писмо до Курти: Бара укинување на таксите со Србија, подготвен да посредува
Францускиот претседател Емануел Макрон упати писмо до косовскиот премиер Албин Курти во кое му честита за изборот на функцијата и притоа бара укинување на таксите на српските производи за да се овозможи продолжување на дијалогот, пренесува „Газета експрес“.
„Првиот чекор треба да биде продолжување на дијалогот, за кој сум подготвен да посредувам, преку организирање самит во Париз, наскоро, со лидерите на Косово и Србија, во соработка со канцеларката (Ангела) Меркел и високиот претставник на ЕУ, (Жозеп) Борел“, напиша Макрон во писмото што француската амбасадорка во Приштина Марин Кристин Бутел му го предала на Курти.
Макрон пишува дека продолжувањето на дијалогот подразбира акции од двете страни.
„Суспендирање на сто процентната такса од страна на Косово и прекинување на кампањата против признавање на Косово од страна на Србија“, напиша францускиот претседател.
Писмо до новоизбраниот косовски премиер Курти вчера испрати и американскиот државен секретар Мајк Помпео во кое исто така му честита за формирањето влада, но и посочува дека укинувањето на таксите на производи од централна Србија и Босна и Херцеговина треба да биде приоритет.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка