Макрон и Конте: ЕУ мора да воведе нов систем за прием на мигранти
ЕУ мора да воведе нов, автоматски систем за прием на мигранти спасени во Медитеранот, изјавија лидерите на Италија и Франција, Џузепе Конте и Емануел Макрон.
Италија долго се жали дека е оставена сама да се бори со стотици илјади мигранти кои го поминале морето во напорите да стигнат до Европа, потсетуваат светските агенции.
Тоа прашање доведе до тензии особено меѓу Рим и Париз, при што Италија се пожали дека француски невладини организации спасувале мигранти, но Франција не направила доволно за да помогне во нивното прифаќање.
– Јас не го потценувам она низ што помина Италија од 2015 година. Таа исто така претрпе многу неправди и несогласувања – рече Макрон на заедничка прес – конференција со премиерот Конте во Рим.
Макрон додаде дека е уверен оти е потребен автоматски европски механизам за прием на мигранти.
Конте рече дека добил француска поддршка за систем за редистрибуција на мигрантите, што би значело дека Италија може да смета на тоа дека целата Унија од 28 нации автоматски ќе прифати удел од вкупниот број на сите новопристигнати мигранти откако ќе бидат спасени.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје