Макрон до „жолтите елеци“: Во право сте
Францускиот претседател Емануел Макрон синоќа им одговори на припадниците на движењето „жолти елеци“, кои покренаа петиција со барање за намалување на цените на горивата, порчаувајќи им дека „се во право“.
Петицијата, која е објавена на палтформата Change.org, досега ја потпишаа над еден милион Французи.
Во одговорот, објавен на истата платформа, Макрон им порачува на „жолтите елеци“ дека го чул нивниот глас, па затоа француската Влада и ја повлекла одлуката за зголемување на даноците на горивата.
Макрон истакнува и дека ќе продолжи „со дијалогот со граѓаните“, потенцирајќи при тоа дека се неопходни мерки и против климатските промени и еколошките проблеми.
Набрзо по одговорот на Макрон, француското Национално собрание минатата ноќ усвои закон предложен од него, чија цел е да се задоволат дел од барањата на „жолтите елеци“.
„Жолтите елеци“ се појавија минатиот месец како протестно движење поради најавените зголемувања на даноците на горивата, но набрзо доби на масовност и излезе со дополнителни барања. За време на протестите на „жолтите елеци“, кои на моменти беа и насилни, загинаа девет лица, а 2.891 беа повредени, од кои 1.098 полициајци.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка