Македонско-бугарскиот филм „Насоки“ ќе го отвори 38. ИФФК „Браќа Манаки“
Филмот „Насоки“, македонско-бугарската копродукција на авторот Стефан Командарев и неговиот соработник, кинематограферот Веселин Христов, ќе го отвори 38. Интернационален фестивал на филмска камера „Браќа Манаки“ во Битола.
Од 23-ти до 30 септември на ИФФК „Браќа Манаки“ за фестивалските награди ќе се натпреваруваат 13 филмови, а дури 10 нивни кинематографери лично ќе присуствуваат на фестивалот во Битола, истакна Благоја Куновски, директор на ИФФК „Браќа Манаки“ на денешната прес-конференција во Битола.
- Годинашната фестивалска компетиција е од силна - посилна, а за тоа сведочат самите филмови кои се суштински одраз на тоа што е најинтересно од креативноста на кинематограферите во филмови од најновата светска продукција, од различни генерации, главно селектирани од годинашниот јубилеен 70-ти Кан, 67-то издание на фестивалот во Берлин и еден филм од 52 издание на фестивалот во Карлови Вари, посочи Куновски.
Меѓу селектираните 13 филмови, Унгарија, Русија и Франција се застапени со по два филма, а за наградите Златна, Сребрена и Бронзена камера 300 ќе се натпреваруваат и кинематографери од Полска, Германија, Велика Британија, Јужна Кореја...
- Како македонска базична продукција, во традиционалната политика на нашиот фестивал да го промовира и домашниот филм избран е најновиот филм на сестрите Теона и Лабина Митевски, чиј најнов филм „Денот кој немаше име“ е работен со искусната кинематограферка од Франција - Ањес Годар, истакна Куновски.
Соопшти и дека на фестивалското отворање ќе биде емитуван краткиот документарен филм „Крајот на времето“ на Милчо Манчевски, кому фестивалот ќе му го врачи признанието „Златна камера 300“ за особен придонес во светската филмска уметност за 2017 година.
Според востановената традиција, ИФФК „Браќа Манаки“ ќе има и богата придружна програма која ќе ја следат и гости, стручни лица и студенти од 14 филмски академии во Европа, беше соопштено на прес-конференцијата во Битола.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ