-->
-->
Македонските одбојкари сакаат реванш над Естонија
-->
Македонската одбојкарска репрезентација во четврток и петок ќе биде дел од завршниот турнир на Европската лига што се игра во полскиот град Валбжих. Противник во првиот дуел во полуфиналето ќе ни биде селекцијата на Естонија која со максимални 10 победи го освои првото место во нашата група.
Притоа Естонците групата ја почнаа со две победи над Македонија. Нашата репрезентација од натпревар во натпревар играше се подобро и на крајот со победите над Австрија и над Полска избори место на завршниот турнир.
На денешната прес-конференција селекторот Жарко Ристоски истакна дека успехот од лани како полуфиналисти, ќе добие на тежина, доколку се повтори истиот резултат.
- Играчите го дадоа својот максимум во текот на сите дуели од групата. Ланскиот успех кога бевме полуфиналисти добива на тежина со повторувањето на истиот резултат, но можеме ние и подобро. Лани во полуфиналето влеговме како четврти, а сега како трети. Естонија е наш должник, а тоа е селекција која игра брза и модерна одбојка. Тие се сепак фаворити, додаде Ристовски.
За капитенот Никола Ѓорѓиев постигнатиот успех е поголем бидејќи нашата група оваа година беше посилна од ланската.
-Можам само да кажам дека ќе се бориме за финале и да им се реваншираме на Естонците. Оваа селекција на Македонија не е истата што играше на почетокот на јули во Естонија. Цел на секој е да биде дел од финалето, истакна Ѓорѓиев.
Македонската одбојкарска репрезентација со автобус замина за Полска и се очекува утре по повеќе од 20 часови возење да пристигне во Валбжих. Полуфиналето против Естонија Македонија го игра во четврток со почеток во 20 часот.
-->
-->
-->
Ново на Сител
-
Вработените во културните институции преку протести си ја бараат изработената плата и покачувањето кое им следува
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците