Македонските кадетски селекции домаќини на силни меѓународни турнири

 

 

Наредните три дена во Скопје ќе се одиграат два силни меѓународни турнири. Двете македонски кадетски селекции до 16 години, од утре до недела ќе бидат домаќини на своите врсници од шест земји. 

 

Момчињата, предводени од селекторот Денис Дервишевиќ, кои се и единствената наша селекција која летово ќе играат во елитната А дивизија на Евробаскетот во Италија, во големата сала на СЦ „Кале“ ќе играат против соодветните селекции на Израел, Полска и Чешка. 

 

Особено интересен ќе биде првиот меч против Израел, закажан за утревечер од 19 часот, со оглед на тоа дека токму оваа репрезентација ќе биде еден од трите противници на црвено-жолтите во групната фаза на шампионатот во Удине. 

 

Девојчињата своите натпревари ќе ги играат во СЦ „Јане Сандански“, во терминот од 20 часот, а редоследно за противнички ќе ги имаат селекциите на Босна и Херцеговина, Црна Гора и на Бугарија.

 

 

 

17:00ч. Полска – Чешка

19:00ч. Македонија – Израел

17:00ч. Чешка – Израел

19:00ч. Полска – Македонија

10:30ч. Чешка – Македонија

19:00ч. Израел – Полска 

 

18:00ч. БиХ – Црна Гора

20:00ч. Македонија – Бугарија

18:00ч. Бугарија – БиХ

20:00ч. Црна Гора – Македонија

18:00ч. Бугарија – Црна Гора

20:00ч. Македонија – БиХ