Бизнис
1. March 2021 - 12:49

Македонски пошти повторно работат со наплата на сметки

Од денеска во вкупно 35 филијали ширум земјава повторно може да се плаќаат сметки во Македонски пошти. Веќе од следната недела ќе се овозможи платен промет во сите експозитури на Пошта.

Провизијата по трансакција сега чини 35 денари, односно е поскапа за 10 денари.

Поради пропаѓањето на Еуростандард Банка, преку која се вршеше платниот промет, Македонски пошти не работеа со тие услуги пд средината на август минатата година. Тоа беше причина за дополнителни загуби на Македонски пошти. Инаку оваа државна фирма со години го има статусот на загубар, а се одликува и со превработеност во делот на администрација. Според плановите, најпрво Пошти ке ги прошират услугите што ги нудат, со цел да се намалат загубите, за потоа да се пристапи кон целосна приватизација или формирање на јавно приватно партнерство.

 

Мирјана Јовеска