Македонски фолклор на фестивал во Босна
Членовите на Фолклорниот ансамбл „Кочани“ од Кочани од 21 до 27 јули учествуваа на четвртиот меѓународен фолклорен фестивал во Бихач, Босна и Херцеговина, на кој ги презентираа македонскиот фолклор и песнопојната и музичка традиција на меѓународен план.
- Во Бихач настапивме на меѓународниот фолклорен фестивал „Брековица 2016“ заедно со десетина ансамбли од Хрватска и Босна и Херцеговина. Одржавме четири концерти по два во Босанска Крупа и во Бихач, а настапивме и на завршната вечер на фестивалот во Брековица, близу Бихач. Настапивме со сплетот македонски ора и песни - Водарки, Цвеќеберачка, Источна и Малешевка, а за прв пат пред публиката во Босна го изведовме сплетот Лазаренки со нова носија и кореографија, изјави Тони Манасиев, секретар на ФА„Кочани“.
Гостувањето во Босна и Херцеговина е во рамките на воспоставената соработка помеѓу Културно-уметничките друштва од Кочани и Бихач.
Манасиев најави дека фолклористите од Босна во Кочани ќе гостуваат во месец октомври во рамките на „Деновите на кочанскиот ориз“.
За време на престојот во Босна и Херцеговина, кочанските фолклористи ги посетиле Плитвичките езера, националниот парк „Уна“, како и повеќе знаменитости во оваа држава.
Ново на Сител
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори