Македонската Опера одбележува 70 години постоење
Македонската Опера вечерва одржува гала оперски концерт со кој го прославува 70-тиот роденден и воедно ја почнува концертната сезона 2017/2018.
Со арии од познати опери на Пучини, Маскањи, Џордано и Масне и под диригентство на Бисера Чадловска, настапуваат солисти-првенци на Македонската опера и балет: Славица Петровска-Галиќ, Игор Дурловски, Наде Талевска, Марјан Јовановски, Ирена Кавкалевска, Павлина Новакова, Катарина Стојановска и Дарко Нешковски.
Пред почетокот на концертот по повод јубилејот се обратија заменик-министерот за култура Владимир Лазовски и в.д. директорот на МОБ Илија Рајковски.
Вечерашниот роденденски концерт има и втор дел – премиера на операта во еден чин „Кавалерија рустикана“ од Пјетро Маскањи која била и прва оперска претстава во Македонија изведена на 9 мај 1947 година.
Режисер на вечерашната постановка е Џандоменико Вакари од Италија, а диригент - неговиот сонародник Џанлука Мартиненги. Сценограф е Зоран Николовски, костимите ги изработи Елена Дончева. Улогите ги толкуваат Весна Ѓиновска-Илкова, Ѓорѓи Цуцковски, Борис Трајанов, Николина Јаневска и Марика Поповиќ. Првата реприза на новата „Кавалерија рустикана“ ќе биде во петок за отворањето на Есенските музички свечености.
Покрај седумдеценискиот јубилеј од постоењето, Операта годинава слави и 45 години од фестивалот Мајски оперски вечери
Ново на Сител
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори