-->
-->
Македонската фудбалска репрезентација закажа контролен дуел со Турција
-->
Репрезентација на Македонија ќе одигра пријателски тест натпревар со Турција во Скопје на 5 јуни како одлична контрола пред квалификацискиот дуел со Шпанија на 11 јуни.
Во составот на Турција најголема ѕвезда моментно е Арда Туран од Барселона, но има уште дузина исклучително квалитетни играчи. Тие ќе играат со Косово во Скадар исто така на 11 јуни, па и за нив пријателскиот натпревар со Македонија ќе биде добра проверка.
Досега Македонија имаме одиграно седум натпревари против Турција и има биланс од една победа, едно реми и пет порази. Во 1994 и 1995 година „црвено-жолтите“ двапати загубија во пријателски натпревари, со 0:2 и 1:2, а потоа следеа поважните мечеви. Во квалификацискиот циклус за Мундијалот во 2002 година Македонија дома загуби со 1:2, а на гости беше 3:3. Тие два меча се играа во 2001 година. Во следниот циклус квалификации за ЕП 2004, Турците два пати победија (1:2 и 3:2). Единствената победа во седумте меѓусебни дуели македонските фудбалери ја остварија во 2006 година, кога во пријателски меч славеа со 1:0 на гостински терен.
Турција во Скопје доаѓа по цели 15 години.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација