Македонската евровизиска претставничка Јана ќе настапи на „Златни денови“ во Кратово
Во петок, 30.06.2017, македонската евровизиска претставничка на овогодинешната Евровизија, Јана Бурческа, ќе настапи на „Златни денови“ во Кратово со нејзината светски позната песна, Dance Alone, со којашто ги освои европските срца за времетраење на евровизиската еуфорија. Организаторите порачуваат дека им претставува исклучително задоволство што граѓаните на Кратово и посетителите ќе ја имаат можноста да уживаат во прекрасните вокални и музички способности и ќе можат да ја почуствуваат евровизиската енергија.
Во поглед на претстојната изведба на евровизиската песна и нејзиното музичко сплотување со кратовската публика, нашата Јана истакна „Возбудена сум што Dance Alone ќе биде повторно изведена во живо, но овој пат пред македонска публика. На публиката ќе и пренесам добра енергија и ентузијазам, а најубавото чувство за еден изведувач е кога ова е двострано. Ме радува што сум дел од настан кој го збогатуваат многу домашни музички имиња од кои дел се и артисти на кои особено им се восхитувам. Ќе има забава, ќе има дружба, ќе има музика!“. Исто како и Јана и публиката од Кратово, Македонија и од Регионот со возбуда ги очекуваат тоновите и интерпретацијата на евровизиската претставничка на „Златни денови“ во Кратово.
Дел од евровизиската атмосфера ќе биде пренесена во Кратово, затоа секој кој сѐ уште не ја проследил програмата за претстојните музички денови топло му се препорачува да го збогати своето културно исполнување со посета на градот за време на Златни Денови.
Повеќе информации може да се најдат ТУКА
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација