-->
-->
Македонија поразена од Црна Гора (21:27)
-->
Женската ракометна репрезентација на Македонија го запиша и петтиот пораз во групата 4 од квалификациите за ЕП 2016. Поуспешна од Македонија беше селекцијата на Црна Гора.
Избраничките на селекторот Симе Симовски до 50-та минута имаа резултат што значеше изненадување, но во последните десет минути фаворитот имаше серија од 7:1 за победа од 27:21.
Црна Гора нешто полесно „влезе“ во натпреварот, а тоа Македонија знаеше да го искористи. Двете екипи се менуваа во водство, а резултатот во првиот дел беше изедначен дури седум пати.
По водството на Црна Гора на полувремето од 13:12, нашата реперезентација направи серија од 4-0 за водство од 16:13. Македонија +3 имаше водство до 48.минута (20:17), но потоа следуваше серијата на Црна Гора на која и претходеа и две соминтелни исклучувања на македонските ракометарки Гакидова и Ристовска.
Темпото и малиот фонд ракометарки се одразија на крајот па Симовски немаше доволно ракометраки во ротацијата особено што капитенот Елена Ѓеорѓиевска се повреди во воведните минути и се врати со дланката во завој, но сепак не се работи за скршеница.
Најефикасна беше Сара Ристовска со 6 голови.
Македонија последниот натпревар од групата го игра во недела во Риека против Хрватска.
Црна Гора со денешната победа е на првата позиција со 8 бодови, пред Хрватска и Словенија кои имаат по 6, Македонија е последна без бод.
Најверојатно трите првопласирани селекции од оваа група ќе изборат пласман на ЕП.
-->
-->
-->
Ново на Сител
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот