Македонија под нулата, најстудено во Битола -18 степени
Најниска температура во Македонија изутринава во седум часот е регистрирана во Битола, каде се измерени – 18 степени.
Како што информираат од Управата за хидрометеоролошки работи, -12 степени се регистрирани во Прилеп и Лазарополе, -11 во Берово, -10 во Скопје-Петровец, Тетово, Охрид, Струмица и Дебар, -9 во Претор и Крушево, -8 во Крива Паланка, -7 во Демир Капија и Ѓуриште, -6 во Скопје-Зајчев Рид, Виница и Пожаране, -5 во Штип, -2 во Дојран и нула степени во Гевгелија.
Најмногу снег има во Маврови Анови, каде висината на снежната покривка изнесува 61 сантиметри, 49 сантиметри снег има во Лазарополе, 36 во Крушево, 33 во Дебар и Пожаране, 28 во Битола, 27 во Охрид и Ѓуриште, 20 во Тетово и Претор, 12 во Прилеп, 9 во Струмица, 8 во Крива Паланка и Берово, 7 во Скопје-Зајчев Рид, Штип и Демир Капија, 5 во Скопје-Петровец, 4 во Виница и 2 во Гевгелија.
Во Македонија денеска ќе биде сончево со мала до умерена облачност. Ќе дува слаб до умерен ветер претежно од западен правец. Максималната температура ќе биде во интервал од -1 до 8 степени.
Во Скопје ќе биде сончево со мала до умерена облачност и со слаб северозападен ветер. Максималната температура ќе достигне до 3 степени.
Утре, како што информираат од УХМР, ќе преовладува стабилно време со пораст на дневните температури. Во петок и за време на викендот ќе има зголемена облачност со локални слаби врнежи од дожд на пониските и снег на повисоките места и планините, претежно во западните делови. По одделни котлини ќе има појава на магла.
МИА
Ново на Сител
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра