Македонија останува на грчката листа со безбедни трети земји за бегалци и мигранти
Македонија и Албанија остануваат на листата безбедни трети земја за барателите на меѓународна заштита „кои на грчка територија нелегално влегле од границите со овие две земји“, според Министерството за миграција и азил на Грција во однос на новата, ажурирана годишна класификација на земјите на потекло и транзит за мигрантите и бегалците, јави дописничката на МИА од Атина.
Каталогот се ажурира секоја година и содржи безбедни земји на потекло и безбедни трети земји, а во ланската листа за првпат беа вклучени Македонија и Албанија, нешто што е продолжено и сега со заедничката министерска одлука потпишана од министерот за миграција и азил на Грција Нотис Митаракис и алтернативниот шеф на грчката дипломатија Милитадис Варвициотис,
Од Министерството за миграција и азил на Грција соопштија дека од листата безбедни земји отстранета е Украина поради руската инвазија, а непроменет е статусот на Гана, Сенегал, Того, Гамбија, Мароко, Алжир, Тунис, Грузија, Индија, Ерменија, Пакистан и Бангладеш, кои остануваат безбедни земји на потекло.
-Исто така, останува карактеризирањето на Турција како безбедна трета земја, за барателите на меѓународна заштита, чија земја на потекло е Сирија, Авганистан, Пакистан, Бангладеш и Сомалија. Исто така и на Албанија и Македонија, како безбедни трети земји за барателите на меѓународна заштита кои нелегално влегле на грчката територија од нејзините граници со овие земји, соопштија од надлежното Министерство.
Министерот за миграција и азил на Грција Нотис Митаракис рече дека „класификацијата на земјите како безбедни земји на потекло и транзит е основна обврска на земјата, во рамките на европското законодавство и поддржува спроведување на строга, но правична миграциска политика“ и обезбедува доделување азил на оние на кои навистина им е потребен и имаат право на тоа.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација