Македонија на интернационалниот саем за селски туризам во Крагуевац
Во период кога селскиот, бањскиот, здравствениот и рекреативниот туризам е се поактуелен за луѓето од високоразвиените земји поради конзумирањето природна храна, чист воздух, запознавањето со културното наследство и традицијата, Македонија е одлично позиционирана на мапата за алтернативни типови туризам.
Ова го истакнува Агенцијата за промоција и поддршка на туризмот на Република Македонија која го организира учеството на Македонија на интернационалниот саем за селски туризам во Крагуевац, Србија, меѓу останатите излагачи од регионот.
Саемот се одржува осма година и во наредните три дена на посетителите ќе им овозможи одблиску да се запознаат со природните убавини на руралните, селски подрачја во земјите од Балканот, како и да дегустираат традиционална храна и вино.
- Идејата да се учествува на овој саем е да се доближи понудата за нашиот селски туризам до српските граѓани, да им се овозможат информации за полесен пристап до сместувачките капацитети во земјава, информира Агенцијата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка