Македонија и Унгарија потпишаа Програма за соработка во образованието и науката

Програма за соработка во областа на образованието и науката помеѓу Министерството за образование и наука на Република Македонија и Министерството за човечки капацитети на Унгарија денеска беше потпишана во Скопје.

 

Како што соопшти МОН, документот го потпишаа министерот за образование и наука, Пиштар Лутфиу, и амбасадорот на Унгарија во Република Македонија, Ласло Иштван. Програмата го опфаќа периодот за 2017, 2018 и 2019 година, и се предвидува, меѓу другото, двете земји на реципрочна основа да доделуваат по 20 стипендии за студирање на нивните високообразовни институции, за секоја академска година. 

 

- Во оваа прилика беше изразено задоволство од досегашната успешна плодна соработка на полето на образованието и науката на двете традиционално пријателски  земји. Министерот Лутфиу, го потенцираше задоволство од доделувањето на по 20 стипендии од страна на Владата на Унгарија за секоја академска година на студенти од Македонија да реализираат додипломски, последипмомски и докторски студии на најдобрите универзитети  во Унгарија. стои во соопштението

 

Министерот Лутфиу  изразил благодарност за долгогодишната соработка во високото образование, каде успешно се реализира размената  на лектори по унгарски јазик на Универзитетот “Св. Кирил и Методиј“- Скопје и лектори по македонски јазик на Универзитетот во Будимпешта.

 

Во текот на средбата, соговорниците пројавиле интерес за имплементација и на другите одредби од Програма кои се однесуваат на воспоставување и интензивирање на директна меѓуинституционална соработката во областа на науката, технологијата и иновациите и високообразовните институции, се наведува во соопштението.