Македонија и Украина ќе ја унапредуваат соработката
Има отворени можности за интензивирање и унапредување на соработката меѓу Република Македонија и Украина, за што постои определлба на двете пријателски земји тоа да се случи во скоро време низ повеќе конкретни активности, констатирале на денешната средба во Владата премиерот Зоран Заев и украинската амбасадорка Наталија Задорожњук.
Како што соопшти владината прес-служба, на состанокот премиерот Заев најави дека ќе иницира до МНР и до Владата комплетно укинување на визите помеѓу двете држави, што ќе овозможи поефикасни економски и трговски односи меѓу двете земји, како и во неколку други области за коишто е утврдено дека има простор за тоа.
Договорено е активирање на работата на Мешовитиот комитет за економски и трговски прашања. Се разговараше за олеснувања меѓу двете земји во областа на земјоделството, за можностите за помош и примена на украинските искуства во областа на гасификацијата и општо енергетиката, коишто се, како што рече премиерот Заев меѓу приоритетните активности на Владата на Република Македонија.
Украинската амбасадорка Задорожњук, пак, соопшти дека Украина може да помогне со својата експертиза и во енергетиката и во инфраструктурни проекти во Македонија. За таа цел, се наведува, премиерот Заев упати покана преку амбасадорката до украинските бизнисмени за посета на Македонија и контакти со бизнис заедницата во нашата држава, како и надеж дека наскоро ќе се оствари официјална посета на Република Македонија од страна на шефот на укариснакта дипломатија Павло Климкин.
- Премиерот Заев и амбасадорката Задорожњук изразија обострана поддршка за аспирациите на Украина и на Република Македонија за членство во Европската унија и во НАТО, што, како што е констатирано дополнително ќе влијае на демократските процеси во државите и стабилноста и безбедноста во земјите. Амбасадорката Наталија Задорожњук на средбата со премиерот Зоран Заев ги поздрави реформите што ги прави Владата и интензивираните добрососедски односи и оцени дека отворените перспективи за Македонија во НАТО и ЕУ ќе значат охрабрување за Украина, стои во соопштението.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања