Македонија го заврши и вториот меч со пораз
Во својот втор настап на 16. Европско фудбалско првенство, македонската репрезентација попладнево загуби од Украина со 2:1. Едно добро полувреме не беше доволно „црвено-жолтите“ да го освојат првиот бод.
Украинците победата ја обезбедија по подобрата игра во првите 45 минути кога Андриј Јармоленко во 29. минута им донесе водство, а Роман Јаремчук пет минути подоцна ја удвои предноста.
Македонците постигнаа гол преку Езѓан Алиоски во 57. минута, по одбиената топка, откако во претходниот обид украинскиот голман му одбрани пенал.
Пенал одбрани и македонскиот голман Столе Димитриевски во завршницата (84. минута) кој го одби ударот на Малиновски.
На „Национална арена Букурешт“, избраниците на селекторот Игор Ангеловски повторно имаа голема поддршка од околу пет илјади навивачи.
По овој пораз, македонските фудбалери имаат само теоретски шанси за пласман во следната рунда, додека Украина ги прокнижи првите три бода.
Вечер од 21 часот во Амстердам ќе се одигра другиот натпревар од 2. коло во „Ц“ групата на кој Холандија ќе ја пречека Австрија.
Ново на Сител
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово
-
Американскиот Конгрес на 20 април ќе гласа за помошта за Украина и Израел
-
Избори во Хрватска: По преброени 98 отсто од гласовите - ХДЗ има 60, а СДП 42 пратенички мандати
-
Лидерите на ЕУ повикаа на борба против дезинформациите, манипулациите и странското мешање во изборните процеси