Македонија домаќин на Глобалниот самит на жени лидери „GWLS 2017“
Над 40 еминентни жени лидери во улога на панелисти и преку 300 учесници од пет континенти, креатори на јавни политики, дипломати, претставници на корпоративната елита, новинарството,..., ќе бидат дел од Глобалниот самит на жени лидери (Global women leaders summit - GWLS 2017 ) што ќе се одржи во Скопје на 17 и 18 февруари годинава.
Како што соопшти денеска Сојузот на стопански комори (ССК), Самитот е фокусиран на актуелни теми од повеќе области, но на него ќе биде промовирана и Глобалната платформа на жени лидери од јавниот и приватниот сектор во која првпат се вклучуваат и жени лидери од Македонија.
Промоцијата е во соработка со Здружението на бизнис жени и Светската бизнис организација Македонија.
- Глобалната платформа на жени лидери функционира во насока на размена на искуства, креирање јавни политики и хармонизација со глобалните трендови. Ги обединува светските жени лидери од пет континенти од различни области, политика, економија, дипломатија, претприемништво, новинарство. Целта на нашето учество е хармонизација на Македонија со глобалните трендови и прифаќање на можностите жена да биде лидер, на позиција како што е претседател на држава или влада, рече оперативниот директор на ССК Александар Зарков на прес-конференција.
Примарната цел на Платформата е остварување меѓународен дијалог за унапредување на женското лидерство и креирање стратегиски политики за економски развој што подразбира и развој на кариера, глобално партнерство, како и трансфер на знаење и искуства.
- Платформата ја нагласува инспиративната улога на жената лидер. Има многу релевантни и успешни примери за жени на лидерски позиции - кандидат за претседател на Америка, жена канцелар во Германија и жена претседател во Хрватска. Тука би ја спомнал комуникацијата на претседателот на ССК Данела Арсовска и претседателот на Република Хрватска Колинда Грабар Китаровиќ. Китаровиќ ја истакна својата целосна поддршка за иницијативата и за вклучување жени од Република Македонија во Платформата, нагласи Зарков.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела