Македонецот уапсен за “тероризам” во Италија бил баран од судот во Гостивар, таму живеел со Бугарка
Карлито Бриганде од Дебар е македонецот уапсен за тероризам во Рим. За дебарчанецот кој порано се викал Вулнет Макелара, има и меѓународна потерница која ја распишале македонските власти поради закана за јавната безбедност, нелегално поседување на оружје и експлозиви и напад врз државни службеници.
Бриганде во Италија планирал да замине и да се бори во редовите на Исламската држава и да учествува во напади во Ирак, Сирија, Франција и други европски земји.
При неговото приведување, италијанската полиција го претресла домот во кој живеел со Бугарка. Заплениле документи и писма на арапски и англиски и мобилни телефони преку кои контактирал со соборци во Ирак. 41-годишниот дебарчанец бил член на поранешната ОНА.
Во Рим бил уапсен уште еден македонски државјанин, Абдула Куртиши кој имал фалсификувани патни документи и имал чести контакти со македонскиот Карлито.
Италијанските власти издале потерница за 29 годишен тунижанец и соработник на Бриганде за кој се претпоставува дека веќе се борел во редовите на ИСИС во Ирак.
-
Сања Димитровска
Сите содржини од овој новинар