Живот
21. July 2015 - 19:18

Мајмун „ограбил“ жена во храм и ги расфрлил нејзините пари на верниците

Мајмун украл чанта на една Индијка, ги извадил парите од неа и расфрлил десетици илјади рупии на верниците собрани во еден храм во северниот дел на Индија, јавија индиските медиуми.

Инцидентот се случил во градот Бриндаван кога мајмун скокнал врз 50-годишна жена која била во храмот заедно со семејството и и ја земал чанта. Потоа мајмунот се качил на сводот на храмот, ја отворил чантата и од неа почнал да вади пари и да ги фрла во воздухот.

Според медиумите, мајмунот од чантата исфрлил 150.000 индиски рупии, односно околу 2.500 евра.

Многу верници почнале да собираат од парите, а жената успеала да врати само мал дел од „украдените“ пари.

Мајмуните се вистинска закана во многу индиски храмови, затоа што крадат храна и други предмети, но луѓето код нив се однесуваат добронамерно, затоа што ги сметаат за потомци на едно од индиските божества.