Мајка од пеколот: Германка ги терала здравите деца да седат во инвалидска количка за да профитира од државата
Германката Мајке Б. (49) која е обвинета за злоставување на штитеници и измама, ги лажела службите за здравствено осигурување и државните институции дека четирите нејзини деца се тешко болни и на тој начин неосновано подигнала 140.000 евра социјална помош.
Нејзината приказна за болните деца на кои им е неопходна нега предизвика сожалување во јавноста ширум Германија, откако се појави во неколку телевизиски емисии, во кои зборуваше за проблемите со кои секојдневно се соочува.
Мајката на пет деца, која одговара пре Покраинскиот суд во Либек (Шлезвиг-Холштајн), не само што ги терала своите четири деца од 10, 15, 17 и 18 години да седат во инвалидски колички за на измама да подигне социјална помош, туку и без никаква потреба сама им давала инјекции, откри во судот семејниот лекар.
Тој изјави дека на адреса на неговата лекарска пракса се испорачани лекови против хемофилија во вредност од 100.000 евра кои биле предвидени за децата на Мајке Б, иако ен биле болни.
„Една инјекција чинела околу 1.300 евра. Мајката навистина им ги давала на децата тие инјекции еднаш неделно“, изјави тој.
Тој додаде дека на нејзините деца не им е дијагностицирана никаква болест, но мајката сама се снаоѓала за специјалистички прегледи во Хамбург, Хановер, Магденбург и Диселдорф, каде очигледно и ги припишувале лековите против хемофилија.
Нејзината најстара ќерка (27) изјави на суд дека мајката ги убедувала децата дека „уште повеќе ќе се разболат ако не седат во инвалидските колички“.
Според нејзините зборови, седеле во количка „кога доаѓале вештаците и други луѓе. Им зборувала намерно дека тогаш треба да глумат дека се болни„, рекла девојкат акоја се иселила од семејниот дом уште во 2013 или 2014 година.
Според зборовите на сведоците и вештаците, сите четири деца се здрави како дрен и немале никаква потреба од инвалидски колички.
„Децата играа на снегот надвор и беа многу темпераментни“. Се качуваа на дрвја од четири метри, што јас секако им забранував“, изјави една воспитувачка.
Ново на Сител
-
Бугарското Министерство за здравство со остра реакција против АстраЗенека
-
Новороденче со Ковид-19 во Грција приклучено на апарати, атинските болници повторно полни
-
Ѓукановиќ отповика неколку амбасадори
-
Владата донесе Одлука за финансиска поддршка на радиодифузерите
-
Српски медиуми: Заев и се заблагодари на Србија за новата пратка на вакцини
-
Кржаловски: Ако Сашо Мијалков не се вратеше ќе имавме предвремени избори
-
Османи од Софија: Со Захариева зарзговаравме за секторска соработка и одржување на состанокот на меѓувладината комисија
-
Словенечки лекар се заразил после примени две дози од вакцината против коронавирус