Балкан
18. July 2017 - 18:47

Маја и Михајло погребани заедно: Злосторнику зошто крвнички ги уби нашите ангели?

Маја Ѓорѓевиќ (39) и четиргодишниот Михајло кои минатата среда брутално ги уби Марко Николиќ (43) воЦентарот за социјална работа, се погребани вчера на гробиштата Орловача во Белград.

Од мајката и братот се прости постариот син на Маја Стефан (14) како и бројните роднини и пријатели. Родителите на убиецот не дојдоа на погребот на снаата и внукот.

Тишината на гробиштата ја параа болните лелеци на ожалостените и гласното поставување на прашањето „зошто“.

-Злосторнику, зошто нашите ангели крвнички ги уби, тажеше една постара жена.

Роднините и пријателите се собраа претходно пред капелата  во која се одржа опело за мајката и синот.  Собраните не ги скриваа солзите, а плач одекнуваше низ гробиштата. Неутешно се гушкаа едни со други, обидувајќи се да најдат зборови за утеха, но нив едноставно ги нема.

Sahrana Maje i Mihaila na Orlovači

Телата на Маја и Михајло се наоѓаа во бели ковчези прекриени со цвеќе. Секој кој би пришол да оддаде почит би пуштил солза пред малиот ковчег над која стоеше сликата на детето. На две жени им се слоши, а едно момче не можеше да дојде до здив. Беа згрижени во комбето на Итна помош.
 
По опелото, поворката се упати кон гробиштата. Молк завладеа кога од капелата беше изнесен малиот бел сандак, а во тој момент облак го затскри сонцето, не давајќи му да искаже радост.
 
Веднаш зад колоната возила кои ги носеа мајката и синот одеа сестрата на Маја Бранислава, синот на Маја Стефан и неговиот татко, првиот сопруг на несреќната жена.
 
Додека свештеникот ја читаше поселдната молитва, во гробното место прво е спуштен ковчегот со телото на Маја, а потоа и ковчегот со телото на нејзиниот син Михајло. 
 
Тишина завладеа на гробиштата. Една постара жена, од зад двата бели крстови изусти: Мајо, не грижи се, сега е се во ред. Никој повеќе не може да те повреди.

Sahrana Maje i Mihaila na Orlovači

 

Сестрата Бранислава и синот Стефан прегрнати стоеја немо, со солзи во очите гледаа како земја ги покрива белите сандаци.

Николиќ, инаку смеел да го гледа детето и морал да го враќа во Центарот за социјална работа каде го чекала мајката. При последната посета, кога детето требало да го врати на мајката, Марко го донел без свест, а Маја потрчала да го спаси детето. Во тој момент тој извадил нож и ја избодел повеќе пати, а таа се обидела да побегне.

Меѓутоа, по 2-3 чекори издишала, а тој потоа ги нападнал социјалните работници кои пришле да и помогнат.