Македонија
6. March 2018 - 8:44

Магла кај Крушево, сообраќајот по влажни коловози

Намалена видливост до 100 метри поради магла има во Крушево. Сообраќајот на државните патишта се одвива по наместа влажни коловози, информира Автомотосојузот на Македонија (АМСМ) во утринскиот извештај за состојбата на патиштата. 

Се препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата.

Во сила е законската обврска за задолжително поседување зимска опрема во возилата.