Мадуро ги затвора границите на Венецуела за да го запре опозицискиот хуманитарен караван
Претседателот на Венецуела, Николас Мадуро донел решение да ја затвори границата со Бразил и го разгледува прашањето за затворање на границата со Колумбија, јави дописникот на МИА од Вашингтон.
Одлуката била донесена по информациите дека соседните земји испраќаат хуманитарна помош за Венецуела во таканаречен опозициски караван. Според Мадуро, предавањето помош во пограничниот град Кукута е „евтино шоу” на опозицијата.
Како што беше јавено, властите во Венецуеала вчера ја затворија морската граница со Аруба, Курасао и Бонер, острови во Карипско Море кои се дел од Кралството Холандија.
Лидерот на венецуелската опозиција, Хуан Гуаидо претходно објави планови за караван со хуманитарна помош преку островот Курасао.
Претседателот на САД, Доналд Трамп изјави дека Вашингтон се надева на мирна смена на власта во Венецуела, но притоа „не се исклучени и други варијанти”.
Гуаидо во јануари се прогласи за привремен вршител на должноста претседател. Тој е поддржан од САД, Канада, многу земји од Јужна Америка како Бразил и Аргентина, и мнозинство на земји од ЕУ, додека за Русија, Кина, Куба и Мексико, Мадуро е легитимен претседател на Венецуела.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон